मोदी सरकार विरोधात मकपचाही अविश्वास ठराव.

नवी दिल्ली :(मराठवाडा न्यूज़ ब्यूरो) वायएसआर काँग्रेस, तेलगू देसम काँग्रेस यांच्यापाठोपाठ , माक्र्सवादी कम्युनिस्ट पक्षानेही मोदी सरकारविरोधात अविश्वासाचा ठराव सादर केला आहे. पक्षाचे लोकसभेतील नेते पी. करुणाकरन यांनी अविश्वासाच्या ठरावाची नोटीस सोमवारी लोकसभा अध्यक्ष सुमित्रा महाजन यांच्याकडे सादर केली. लोकसभेच्या मंगळवारच्या कामकाजात या अवश्वासाच्या ठरावाचा समावेश करण्यात यावा, अशी विनंतीही त्यांनी लोकसभाध्यक्षांना केली आहे.