सकल मराठा समाजाच्या बंदला मंठा तालुक्यात उस्फुर्त प्रतिसाद...

मोसीन कुरेशी

मंठा प्रतिनिधी:महाराष्ट्राचे राज्यपाल भगतसिंग कोश्यारी यांनी छत्रपती शिवाजी महाराज व महात्मा फुले दाम्पत्य यांच्या विषयी केलेल्या अवमानकारक वक्तव्याचा निषेध म्हणून जालना जिल्हा बंद च्या धरतीवर सकल मराठा समाजाच्या वतीने मंठा तालुका बंदचे आव्हान करण्यात आले

होते . या बंदला मंठा तालुक्यात उस्फुर्त प्रतिसाद मिळाला आज सकाळी छत्रपती संभाजी राजे चौक (मंठा फाटा) येथून निषेध रॅलीला सुरुवात करण्यात आली .राज्यपाल भगतसिंग कोश्यारी हटाव असे नारे देण्यात आले व छत्रपती शिवाजी महाराज चौकात रॅलीचा समारोप करण्यात आला. या निषेध रॅलीला अनेक मान्यवरांनी संबोधित केले. त्यात मराठा सेवा संघ परतूरचे तालुकाप्रमुख प्रा. संभाजी तिडके यांनी या रॅलीला संबोधित करताना सांगितले की महाराष्ट्राचे राज्यपाल

भगतसिंग कोश्यारी यांनी छत्रपती शिवाजी महाराज व फुले दांपत्ये यांच्या विषयी केलेल्या अवमानकारक वक्तव्याच्या निषेध म्हणून ही रॅली काढण्यात येत आहे. राज्यपाल भगतसिंग कोश्यारी हे महाराष्ट्रात सांस्कृतिक व सामाजिक दहशतवाद पसरवत आहेत.असे त्यांनी सांगितले.त्यानंतर अशोक नाना वायाळ यांनी राज्यपाल व जे कोणी महापुरुषांचा आवमान करीत आहेत.त्यांना महाराष्ट्रात राहण्याचा अधिकार नाही असे सांगितले.त्यानंतर अण्णासाहेब खंदारे यांनी आपले मत व्यक्त करताना राज्यपालाचा खरपूस समाचार घेतला.त्यानंतर जालना शिवसेना जिल्हाप्रमुख ए.जे. पाटील बोराडे यांनी मत व्यक्त करताना सांगितले की महाराष्ट्राचे राज्यपाल यांनी या आधी बऱ्याच वेळा महापुरुषांचा आवमान केला

आहे.त्यामुळे राज्यपाल भगतसिंग कोश्यारी यांची जोपर्यंत हकालपट्टी होत नाही तो पर्यंत जालना जिल्ह्यामध्ये आंदोलने थांबणार नाहीत असे सांगून त्यांनी सर्व समाजाचे आभार व्यक्त केले या बंदला मंठा तालुक्यातील सर्व संघटनांनी व  समाजातल्या सर्व घटकांनी आपला पाठिंबा पत्र देऊन व्यक्त केला होता.त्यामध्ये बहुजन क्रांती मोर्चा ,समस्त मुस्लिम समाज,एमआयएम पक्ष,टिपू सुलतान युवा मंच, जय भीम सेना, सारनाथ युथ ग्रुप ,नाभिक महामंडळ मंठा,व्यापारी असोसिएशन मंठा तालुका ,समता परिषद, नॅशनल काँग्रेस वफ्फ कमिटी ,भीमशक्ती संघटना जालना ,जय मल्हार संघटना मंठा ,मुस्लिम कमिटीचे लाला खानसाब व त्यांची संघटना व सर्व मुस्लिम समाज, सर्व व्यापारी, पत्रकार बंधू ,पोलीस मित्र व समाजातील सर्व समाज बांधव यांनी मंठा बंदला उस्फुर्त पाठिंबा देऊन मंठा तालुका बंद यशस्वी केला व मंठा तालुक्याचे तहसीलदार यांना राज्यपाल हटाव चे निवेदन देण्यात आले व निषेध रॅली कार्यक्रमाचे प्रास्ताविक एकनाथ काकडे यांनी केले व मंठा बंद यशस्वीतेसाठी समाजातल्या सर्व तरुण व सर्व पक्षातल्या नेते मंडळींनी सहकार्य केले.

अ‍ॅड. वसीम जमीनदार यांची महाराष्ट्र प्रदेश युवक काँग्रेस महाराष्ट्र सचिव कक्ष पदी नियुक्ती...

मोसीन कुरेशी

मंठा प्रतिनिधी:परतुर तालुका वकिल संघाचे सचिव,आष्टीचे उपसरपंच अँड़ वसीम भाई जमींदार यांची महाराष्ट्र प्रदेश युवक काँग्रेसच्या विधी विभागच्या प्रदेश सचिव पदी निवड करण्यात आली काँग्रेस पार्टी व संघटना मजबूत करण्यासाठी तसेच पक्षाची ध्येय धोरणे सर्व सामान्य पर्यंत पोहोचविण्यासाठी महाराष्ट्र प्रदेश युवक काँग्रेस  विधि कक्ष महाराष्ट्र सचिव आणि राज्यविधी कक्ष विभागाच्या नुकत्याच नियुक्त्या करण्यात आल्या आहेत या मध्ये युवक काँग्रेसचे पदाधिकारी म्हणून भविष्यात आपल्यासमोर गंभीर आव्हाने आहेत असे काँग्रेसचे अध्यक्ष  मल्लिकार्जुन खर्गे  सोनिया गांधी राहुलजी गांधी यांनी दिलेल्या

नियुक्तीपत्रामध्ये म्हटले आहे की पक्षाचा वाढ आणि विस्तार आपल्या जिल्हा विधी कक्षाच्या माध्यमातून करण्यात यावा व आपण हे काम परिपूर्ण कराल ही आम्हाला खात्री आहे असे दिलेल्या नियुक्ती पत्रात म्हटले आहे.या निवडी बदल काँग्रेस जिल्हाध्यक्ष राजे भाऊ देशमुख मा आ सुरेशकुमार जेथलिया अन्वर देशमुख संतोष दिंडे बाबासाहेब गाडगे इंद्रजित घनवट शकेर मापेगांवकर मंजुळदास सोळंके आदी एजाज जमीनदार वकील संघ परतूर सर्वांनी अभिनंदन पर शुभेच्छा दिले

शासनाने शेतकऱ्यांचा अंत पाहू नये -- किसनराव मोरे

मंठा तालुक्यात मागील दोन महिन्यापासून संततधार पाऊस...

मोसीन कुरेशी

मंठा प्रतिनिधी:मंठा तालुक्यात मागील दोन महिन्यापासून संततधार सुरू असल्यामुळे पिकांचे मोठे नुकसान झाले असून शेतकरी शासनाच्या मदतीच्या प्रतीक्षेत आहेत. मंठा तालुक्यात ओला दुष्काळ जाहीर करून शेतकऱ्यांना सरसकट मदत करावी अशी मागणी जिल्हा काँग्रेस

कमिटीचे उपाध्यक्ष तथा पंचायत समिती सदस्य किसनराव मोरे यांनी केली आहे. शिंदे -  फडणवीस सरकारने सत्ता मिळविण्यासाठी करोडो रुपयांची उधळपट्टी केली मात्र, शासनाने संकटात असलेल्या शेतकऱ्यांना वाऱ्यावर सोडले आहे. अतिवृष्टीमुळे सोयाबीन, तूर, उडीद आणि कापूस पिके सडून गेली, सोयाबीनच्या शेंगांना कोंबे फुटली, सध्या सर्व पिके पाण्यात आहेत. त्यामुळे शेतकरी चिंताग्रस्त झाला असून शासन शेतकऱ्यांना मदत द्यायला तयार नाही. आर्थिक विवचनेत सापडलेल्या शेतकऱ्यांना आत्महत्यापासून रोखण्यासाठी तालुक्यातील प्रत्येक शेतकऱ्यांना शासनाने प्रती हेक्टरी 25 हजार रुपये तात्काळ मदत करावी अशी मागणी किसनराव मोरे यांनी केली आहे.

मंठा शहरात ढोल ताशांच्या गजरात गणपती बाप्पांचे आगमन

मोसीन कुरेशी

मंठा प्रतिनिधी:शहरातील मोठ्या उत्साहात घरोघरी बाप्पाचं आगमन झाले आहे. गेली दोन वर्ष कोविडचे संसर्ग निर्बंधामुळे गणेश उत्सव वर मर्यादा होते पण आता सर्व निर्बंध हटविल्यामुळे पुन्हा एकदा जल्लोषात थाटात बाप्पांचे वाजत गाजत आगमन होत आहे. बाप्पांच्या स्वागतसह

पुजेसाठी सकाळ पासून दुकानात साहित्य खरेदीसाठी मुख्यऱस्त्यांवर गर्दी होती.तर या वर्षी 

हार फुले आकर्षक लाइट्सने सजावटीचे साहित्याने दुकाने सजली.तसेच शहरातील शिवसेना पुरस्कृत जय भवानी गणेश मंडळांनी मोठ्या थाटात गणपती बाप्पांची मिरवणूक काढली यात हलगी वाजणाऱ्या पथकाने सर्वच नागरिकांचे लक्ष वेधून घेतले होते ढोलकी वाजणाऱ्या पथकांनी वेगवेगळ्या प्रकारचा देखावा करून ढोलकी वाजवली.मंठा फाट्यावरून ते जिल्हा परिषद शाळा पर्यन्त मोठ्या उत्साहात मिरवणूक काढण्यात आली.गणरायाच्या भव्य मूर्ती व आगमण साेहळ्याचे क्षणाचे छायाचित्र माेबाईलमध्ये टिपण्यासाठी भाविकांनी एकच गर्दी केली हाेती.यावेळी शेकडो भाविकांनी मिरवणुकीत सहभागी होत दर्शनाचा लाभ घेतला.यावेळी बाप्पांची आरती पोलीस निरीक्षक संजय देशमुख साहेब यांच्या हस्ते करण्यात आली. याप्रसंगी शिवसेना जिल्हाप्रमुख ऐ.जे बोराडे गणेश उत्सवसमितीचे अध्यक्ष बाजीराव अप्पा बोराडे.अंकुशराव तात्या,बालासाहेब बोराडे,जमीर कुरेशी,नगरसेवक प्रदीप बोराडे,नितिन राठोड, वैजनाथ बोराडे,अरुण वाघमारे,संजय गायकवाड,अचित नाना बोराडे,संतोष वरकड,पप्पू दायमा,विकास सूर्यवंशी,उबेद भाईजी,भारत बोराडे,अजय अवचार,हरीभाऊ चव्हाण,सर्व पत्रकार मंडळी नगरपंचायतचे सर्व सन्माननीय नगरसेवकसह मोठ्या संख्येत नागरिकांची उपस्थिती होती.

मंठा शहरातील जवाहर कॉलनीत गणपती बाप्पाची पहिलीच रात्र अंधारात...

गणेश भक्तांकडून महावितरण कार्यालयत तोडफोड करण्यात आली...

मोसीन कुरेशी

मंठा प्रतिनिधी:दोन वर्ष कोरोनात गेल्यानंतर पहिल्यांदाच गणेश उत्सव निर्बंध मुक्त साजरा करण्यात येत आहे बाप्पाला शहरातील जवाहर कॉलनी येथे गणपती बाप्पाचे आगमन मोठ्या थाटात उशिरापर्यंत डीजेच्या तालावर गणेश

भक्तांनी बाप्पांचे स्वागत केले परंतु बाप्पाला पहिलीच रात्र अंधारात काढावी लागली वार्ड क्रमांक सहा येथील कब्रस्तान समोरील डीपीला आग लागल्याने मोठा आवाज येऊन डीपी जळाली असल्याने ३१ ऑगस्ट पासून जवाहर कॉलनीसह काही भागातील वीज पुरवठा खंडित करण्यात आला होता.गणेश भक्तांनी व वार्ड क्रमांक सहाचे नगरसेवक शेषनारायण दवणे एन डी  यांनी वारंवार महावितरण कार्यालयत संपर्क करूनही.डीपी दुरुस्त केली नसल्याने बाप्पाला रात्र अंधारात काढावी लागल्याने गणेश भक्तांनी संताप व्यक्त करत आज 1 सप्टेंबर सायंकाळी चार वाजता महावितरण कार्यालात जाऊन तोडफोड केली.या घटनेचा व्हिडिओ सोशल मीडिया व्हाट्सअप ग्रुप मध्ये व्हायरल होत आहे या व्हिडिओ मध्ये नगरसेवक शेषनारायण दवणे हे कार्यालयातील खुर्ची फेकून देतांना दिसत आहे.

मंठा शहरातील बस स्थानक बनले खाजगी वाहन पार्किंगचे ठिकाण..

मंठा प्रतिनिधी: मंठा येथे रेल्वे स्टेशन नसल्याने बस स्थानकात मोठ्या प्रमाणात एसटी बसची वर्दळ असते.तसेच प्रवाशांची संख्या पण मोठ्या प्रमाणात असते.मात्र मंठा बस स्थानकात खाजगी वाहन अवैधरित्या बस स्थानकात येऊन गाडी पार्किंग करत असल्याने बस चालक तसेच प्रवासीयांना नाहक त्रास सहन करावा लागत आहे.एसटी बस येण्या जाण्याच्या दोन्ही

प्रवेशद्वारासह आतील परिसरात अनेक खाजगी वाहने उभी केली जातात.यामुळे बसस्थानकात ये-जा करणाऱ्या एसटी च्या गाड्यांना अडचण निर्माण होते.काही खाजगी वाहन चालक बस स्थानकात वेगाने वाहन चालवीत असल्याने प्रवाशांनाही बस पकडताना सावध जावे लागते स्थानक परिसरात अवैध व मनमानी पद्धतीने पार्किंग केलेली खाजगी  चारचाकी व दुचाकी वाहने बस स्थानकात ये-जा करणाऱ्या एसटी गाड्या व प्रवाशांची वाट आडवत असल्याने यावेळी अपघात होण्याची फार शक्यता आहे.वाहतूक नियंत्रक वेळोवेळी खाजगी वाहन आवारात उभी करू नयेत अशा सूचना देत असतात मात्र याकडे खाजगी वाहन चालक दुर्लक्ष करून बेशिस्तपणे आपली वाहने उभे करतात.यावेळी वाहतूक शाखेने एसटीचे चालक व प्रवाशांचा होणारा त्रास लक्षात घेऊन खाजगी वाहनावर कारवाई करण्याची मागणी होत आहे...

मंठा तालुक्यात दोन ठिकाणी जुगार अड्ड्यावर धाड...

मोसीन कुरेशी

मंठा प्रतिनिधी: मंठा तालुक्यात पोलिसांनी दी.2 शुक्रवार रोजी दोन ठिकाणी जुगार अड्ड्यावर धाड मारली आहे पहिली धाड

शहरातील जवाहर कॉलनीत तर दुसरी धाड मंठा तालुक्यातील टोकवाडी येथे टाकण्यात आली आहे. पहिल्या धाडीत जवाहर कॉलनी परिसरातील देशी दारू समोरील मैदानात मंठा पोलीस व परतूरच्या पथकाने छापा मारून नऊ जणांना जेरबंद केले आहे.देशीदारू दुकानासमोरील  मैदानात बाभळीच्या झाडाखाली काही लोक गोलकार बसून छन्ना मन्ना जुगार खेळवितांना मिळून आल्याने पोलीस निरीक्षक संजय देशमुख साहेब यांचे आदेशाने नऊ आरोपींना जेर बंद करून त्यांच्यावर गुन्हा दाखल करण्यात आला आहे. यात दत्ता निर्वती बोराडे वय ३० राहणार बोराडे गल्ली मंठा, सुशील विष्णू बोराडे वय ३३ राहणार बोराडे गल्ली मंठा, ज्ञानेश्वर उत्तम मुळे वय ३१ राहणार तुकाराम नगर मंठा, दीपक बाबुराव दळवे वय ४८ राहणार शिवाजी चौक मंठा, शेख आसिफ शेख बशीर वय ३० राहणार अहमदपूरा मंठा, शेख शेखअली अहमद वय ३५ राहणार अहमदपूरा मंठा, लक्ष्मण लिंबाजी वय २६ राहणार जवाहर कॉलनी मंठा, श्रीराम बाबासाहेब बनकर वय ३४ राहणार ठेंगेवडगाव तालुका मंठा जिल्हा जालना, रणजीत आनंदराव गायकवाड वय ३८ राहणार जवाहर कॉलनी मंठा असे एकूण नऊ जणांना मंठा पोलीस व परतूरच्या पथकाने छन्ना मन्ना जुगार खेळताना रंगेहात पकडले त्यांच्याकडून सहा हजार तीनशे नव्वद रुपयांचा मुद्देमाल जप्त केला असून मंठा पोलिसांनी जुगारयांना अटक केली आहे यावेळी पोलीस पथकाने छापा टाकला यामध्ये मंठा पोलीस ठाण्याचे ढवळे साहेब,हगवने साहेब,काढे साहेब,आढे साहेब तसेच परतुर एस.डी.पि.ओ.पथकचे खरात साहेब पवार साहेब तडवी साहेब वाघमारे साहेब यांचा समावेश होता.तर दुसरीधाड मंठा तालुक्यातील टोकवाडी या गावी भगवानराव लक्ष्मणराव गाडेकर यांच्या घरासमोरील लिंबाचा झाडाखाली गोलकार बसून छन्ना मन्ना जुगार पैसा लावून खेळत असल्याची गोपनीय माहिती मंठा पोलिसांना मिळाली.या माहितीच्या आधारे पोलीस निरीक्षक संजय देशमुख साहेब.यांच्या आदेशाने पोलीस उपनिरीक्षक राऊत साहेब,ढवळे साहेब,प्रशांत काढे साहेब,आढे साहेब,रजाडे साहेब,जुंबडे साहेब यांनी टोकवाडी येथे जाऊन माहिती मिळालेल्या ठिकाणी शुक्रवारी रात्री नऊ वाजता धाड टाकली. तेव्हा सात जन पैसे लावून जुगार खेळतांना आढळून आले. या आरोपींना ताब्यात घेऊन त्यांच्यावर गुन्हा दाखल करण्यात आला आहे.यात गणेश बाबासाहेब वायाळ वय ४५ राहणार टोकवाडी तालुका मंठा, रोहिदास शेषराव गाडेकर वय ३५ राहणार टोकवाडी तालुका मंठा,आबासाहेब दत्ताराव गाडेकर वय ४१ राहणार टोकवाडी तालुका मंठा,लक्ष्मण रामराव वायाळ वय ४८ राहणार टोकवाडी तालुका मंठा, रमेश सखाराम जाधव वय  ४८ राहणार टोकवाडी तालुका मंठा, सुरेश सिताराम जाधव वय ३० राहणार टोकवाडी तालुका मंठा, महादेव ज्ञानदेव गाडेकर वय २५ राहणार टोकवाडी तालुका मंठा,असे एकूण सात जणांना मंठा पोलिसांनी जुगार खेळताना ताब्यात घेऊन त्यांच्याकडून सहा हजार रुपयेचा मुद्देमाल जप्त केला.असून पोलीस निरीक्षक संजय देशमुख साहेब यांचे आदेशाने पोलीस राठोड साहेब यांच्या तक्रारीवरून सात जणांविरुद्ध पोलीस ठाण्यात गुन्हा नोंद करण्यात आला आहे.पुढील तपास के एस चव्हाण साहेब करत आहे.