ब्रेक द चैन अंतर्गत उद्योगधंदे, बाजारपेठ तसेच दुकांनांचे सिल उघडुन सर्वप्रकारचे व्यवसाय सुरु करण्याची परवानगी देण्याची खासदार इम्तियाज जलील यांची मागणी.

(मराठवाडा न्यूज 44 ब्यूरो)

औरंगाबाद:कोरोनाचा प्रादुर्भाव रोखण्यासाठी व्यापारी, दुकानदार, टपरीधारक यांनी आपआपले उद्योगधंदे,

बाजारपेठ व दुकाने बंद ठेवुन शासनाने ब्रेक द चैन अंतर्गत दिलेल्या सुचनांचे तंतोतंत पालन करुन सहकार्य करत आहे. दोन महिन्यापासून सर्व व्यापारी व दुकानदार यांनी आपआपली आस्थापने बंद ठेवल्याने ते सध्या आर्थिक अडचणीत सापडलेले असुन शासनस्तरावरुन त्यांना आजतागायत कोणत्याही प्रकारचे आर्थिक पॅकेज किंवा मालमत्ता कर, विज बिल, जिएसटी या सरकारी करांमध्ये सुध्दा सवलत देण्यात आलेली नाही. ब्रेक द

चैन अंतर्गत औरंगाबाद शहरात तर जिल्हा प्रशासनाच्या वतीने एक प्रकारे हुकुमशाहीच चालवली जात असल्याचे व्यापारी, दुकानदार व टपरीधारक प्रश्न उपस्थित करत आहे. औरंगाबाद शहरात व्यापारी अथवा दुकानदारांनी नियमांचे उल्लंघन केल्यास त्यांच्यावर औरंगाबाद महानगरपालिका पथक, पोलीस विभागाचे पथक आणि जिल्हाधिकारीकार्यालयाचे पथक अशा वेगवेगळ्या तीन पथकांकडून कार्यवाही केली जात आहे. विशेष म्हणजे तीन्ही पथकांचे आपआपसात समन्वय नसल्याने व्यापारी व दुकानदारांना चालान देवुन संबंधित पोलीस ठाण्यात गुन्हा दाखल करुन दुकान ही सिल करण्यात येत आहे, हि तर एक प्रकारची हुकुमशाहीच असल्याचे समजते. सदरील उल्लेखित तिन्ही विभागाकडून करण्यात येणारी कायदेशिर व दंडात्मक कार्यवाही म्हणजे व्यापारी व दुकानदारांवर दहशत निर्माण करुन आत्महत्येस प्रवृत्त करणारी आहे. दुकानातील कर्मचाऱ्यांचा पगार, दुकान भाडे, स्वतःचे घर खर्च भागवणे, औषध उपचार खर्च, व्यावसायिक कर्जावरील व्याज त्यातच आता पावसाळा सुरु होतो त्यादृष्टीने दुकानाची रिपेरिंग, साफसफाई, मालाचे व्यवस्थापन व इतर अत्यावश्यक बाबी करणे अत्यंत गरजेचे आहे नसता व्यापारी व दुकानदारांचे कोट्यावधी रुपयांचे आर्थिक नुकसान होण्याची शक्यता नाकारता येत नाही. जे छोटे-छोटे दुकानदार व टपरीचालक आहे त्यांचा तर उदरनिर्वाहाचा प्रश्न गंभीर स्वरुपाचा झालेला आहे. सद्याच्या परिस्थितीमुळे अनेक व्यापारी, दुकानदार, टपरीधारकांमध्ये सरकार विरोधी भावना निर्माण होत असुन त्यांच्यावर करण्यात येणाऱ्या दंडात्मक व कायदेशिर कार्यवाही तसेच कुटुंबाचे उदरनिर्वाह करण्याचे संकट निर्माण झाल्याने त्यांच्या मनात आत्महत्या करण्याचे विचार येत असल्याचे अनेक व्यापारी व दुकानदार बांधवांनी सविलेले आहे.तरी आपणास नम्र विनंती की, औरंगाबाद जिल्ह्यातील व्यापारी, दुकानदार व टपरीधारकबांधवांचा"सहानुभुतीपुर्वक विचार करुन 1 जुन 2021 पासुन सर्व प्रकारचे उद्योगधंदे, बाजारपेठा सुरु करण्याची परवानगी देण्यात त्यावी तसेच जिल्हा प्रशासनाच्या तिन्ही पथकामार्फेत दुकानांना लावण्यात आलेले सिल काढुन व्यवसाय सुरु करण्याची परवानगी देण्याचे आदेश संबंधित अधिकारी व विभाग यांना निर्गमित करुन सहकार्य करण्यात यावे.अशी मागणीचे निवेदन खासदार इम्तियाज जलील यांनी दिले..

मंठा तालुक्यातील शेतकऱ्यांनी पिक कर्ज अर्ज ऑनलाइन करावे संतोष खारवणे..

मोसीन कुरेशी

मंठा प्रतिनिधी/मंठा तालुक्यासह संपूर्ण जिल्ह्यातील शेतकऱ्यांनी नवीन खरीप पिक कर्ज मिळवण्यासाठी

शासनाच्या संकेतस्थळावर आपले अर्ज सादर करावेत असे आवहान युवासेना तालुका प्रमुख मंठा संतोष खारवणे यांनी केली आहे.त्यांनी प्रसिद्धीपत्रकात असे नमूद केले आहे की दि.21 मे पासून नोंदणी चालू झाली असून दि.15 जून 2021 पर्यंत अर्ज ऑनलाइन करावेत जागतिक महामारी कोविड-19 विषाणू संसर्गाच्या पार्श्वभूमीवर शासनाकडून राज्यामध्ये संचारबंदी/जमावबंदी घोषित करण्यात आलेली आहे.त्यामुळे कोविड-19 या आजाराचा प्रसार होऊ नये,म्हणून प्रशासनाने बँकेत गर्दी न करता ऑनलाईन सेवा सुरू केलेले आहे.तरी मंठा तालुक्यासह जिल्ह्यातील शेतकऱ्यांनी कर्ज मिळवण्यासाठी ऑनलाइन नोंदणी करावी.जिल्हा प्रशासनाकडुन बँकेकडे यादी पाठविण्यात येणार आहे.त्यामुळे कुठल्याही शेतकरी या योजनेपासुन वंचित राहू शकणार नाही.तरी शेतकऱ्यांना लवकरात लवकर पिक कर्ज अर्ज ऑनलाइन करावे असे आवाहन युवासेना उपतालुका प्रमुख मंठा संतोष खारवणे यांनी केले आहे.

#Mosin_kureshi

#Mantha_news

मंठा पोलीस आले ॲक्शन मोलडमध्ये...

मोसीन कुरेशी

मंठा शहरात विनाकारण फिरणाऱ्या 65 नागरिकांची अँटीजण टेस्ट करण्यात आली..

मंठा प्रतिनिधी:शहरातील छत्रपती शिवाजी महाराज चौक, टिपू सुलतान कॉर्नल, बस स्टॅन्ड, मार्केट यार्ड,मंठा फाटा येते दी.20 गरुवार रोजी अत्यावश्यक सेवेच्या

नावाखाली विनाकारण संचार करणाऱ्या 65 नागरिकांची अँटीजण टेस्ट करण्यात आली.तर शहरात कड़क लॉगडाऊनची  अंमलबजावनी व्हावी नियमचे उल्लंखन होऊ नय म्हणुन मंठा पोलीस निरीक्षक यशवंत बांगुल साहेब यांच्या मार्गदर्शन कड़क बंदोबस्त लावण्यात आला होता.यावेळ विनामास्क फिरणाऱ्यावर दंडात्मक कारवाई करून आठ हजार चार शे रुपये दंड वसूल करण्यात आल्या असल्याची माहिती नगरपंच्यात कर्मचारी जाविद भाई यांनी दिली यावेळी पोलीस उपनिरीक्षक गट्टूवार साहेब यांच्या पथका मध्ये

शाम गायके,कानबा हराळ, राजू राठोड, होमगार्ड कपिल आखाडे, जोशी आणि राठोड तसेच नगरपंचायतचे कार्यालयीन अधीक्षक सुधाकर खैरे, कर्मचारी जावेद भाई,आसेफ तांबोळी, रघुनाथ बोराडे, जनार्दन, आरोग्य विभागातून आरोग्य अधिकारी दीपक लोने साहेब,वाघमारे सर,सरकटे सर यांचा समावेश होता.

देवगाव फाटा पोलिस चौकीच्या कर्मचाऱ्यांची मनमानी (प्रत्येक वाहनांकडून दोनशे रुपयाची वसुली)......

मोसीन कुरेशी

मंठा /प्रतिनिधी  : जालना जिंतूर रोड वरील देवगाव फाटा पोलीस चौकीच्या कर्मचाऱ्यांनी दुचाकी व

चारचाकी वाहन चालकाकडून दोनशे रुपयांची लूट चालवली आहे. पैसे घेऊन पावती न देता वाहने सोडली जात आहेत. चारठाणा  ठाण्यातील  पोलीस बंदोबस्त असलेले पोलीस कर्मचारी शिराळे सह अन्य पोलिस कर्मचारी वाहनधारकांना विनाकारण त्रास देत असून वाहनधारकांसोबत  उद्धटपणाची भाषा केली. जात आहे. या पोलीस चौकीतील सर्वच पोलीस कर्मचाऱ्यांच्या बदल्या करून कर्तव्यदक्ष पोलीस कर्मचाऱ्यांची नेमणूक करण्याची मागणी होत आहे. देवगाव फाटा पोलीस चौकी वसुलीचा अड्डा बनला असून परभणी पोलिस अधीक्षकांनी लक्ष घालण्याची मागणी केली जात आहे.

केंद्रशासनाची पेट्रोल, डिझेल व रासायनिक खते दरवाढ अन्यायकारक...नितीनकुमार जेथलिया

काँग्रेसच्या वतिने परतुर उपविभागीय अधीकारी यांना निवेदन सादर

मोसीन कुरेशी

परतुर:सत्तेचा व बहुमताचा गैरफायदा उचलत केंद्रातील शासन मनमानी कारभार करत एकप्रकारे

सर्वसामान्यांचा व शेतक-याचा छळवत असून  दरवेळी होणारी पेट्रोल, डिझेल व अलीकडे रासायनिक खतांची दरवाढ करत केंद्राने कहरच केला असल्याचे  प्रतिपिादन काँग्रेसचे नितीनकुमार जेथलिया यांनी केले. याबाबत आज दिनांक 18 मे रोजी येथील उपविभागीय अधीकारी यांना काँग्रेसच्या वतिने केंद्रशासनाने  केलेल्या भाववाढीबाबत निवेदन सादर केले.यावेळी त्यांच्या समेवत यावेळी तालुका अध्यक्ष बाबासाहेब गाडगे, जि.प.सदस्य इद्रंजीत घनवट, पं.स.सदस्य बाजीरावजी खरात ,युवक अध्यक्ष लक्ष्मणजी शिंदे, उपनगराध्यक्ष सादेक भाई खतीब, नगरसेवक बाबुराव हिवाळे, अय्युबभाई कुरेशी राजेश भुजबळ, सिध्दार्थ बंड, तारेख भाई सिध्दीकी, अविनाश शहाणे, मधूकर झरेकर, गोविंदराव  वाशिंबे, उद्धव बोनगे ,मोसिन बागवान, पाडुरंग गाडगे , मतीन कुरेशी, विकास झरेकर,इंद्रजित डवले (सरपंच,लिंगसा)अप्पासाहेब खंदारे (सरपंच ,अंगलगाव)यांची उपस्थीती होती. यावेळी दिलेल्या निवेदनात केंद्रशासनाच्या  दरवाढीबद्धल रोश व्यक्त करतांना म्हणले की एकीकडे गरीबांना अधार देण्याची भाषा केद्र सरकार करत आहे व दुसरीकडे प्रत्येक महत्वाच्या दळणवळणाची भाववाढ करत सरकार सर्वसामान्याचा खिसा कापण्याचा काम करत असल्याचा आरोप केला. आता तर शेतकऱ्यांना  वेढीस धरत प्रत्येक रासायनिक खतांच्या थैलीमागे आठशे रूपये दर वाढवत सरकारने आपल्या आराजकतेची हद्द  ओलांडली असल्याचे निवदेनात नमुद करत सदरील दरवाढ माघे  घेण्याची मागणी निवेदनावर करण्यात आली आहे. याबाबत प्रसार माध्यमांशी प्रतिक्रीया व्यक्त करताना नितीनकुमार जेथलिया यांनी केद्र शासनाच्या धोरणाचा कडाडुन समाचर घेत खतांचे  भाव वाढवणारे हेच व कार्यकर्ते मात्र कृषी  कार्यालयात जात दरवाढी च्या पुढे बाजारात खतांची  विक्री होणार नाही अशी  मागणी करतात. एकप्रकारे देशातील शेतक-यांना व सामान्यांना दिशाभुल करण्याचा हा प्रकार असुन जनता इतकी मूर्ख नाही याचा जाब भविष्यात केंद्रातील  सत्ताधाऱ्यांना  द्यावा लागेल अशा भावना त्यांनी यावेळ व्यक्त केल्या.

काँग्रेसचे राज्यसभा खासदार राजीव सातव यांचे निधन.

मोसीन कुरेशी

मंठा प्रतिनिधी: पहाटे पुण्यातील जहांगीर हॉस्पिटलमध्ये   काँग्रेसचे राज्यसभेचे खासदार राजीव सातव  यांचे कोरोना संसर्गनंतर उपचारादरम्यान निधन

झाले.राजीव सातव यांचे पार्थिव एम्बुलेंस ने हिंगोलीकडे नेत असताना मंठा शहरातील काँग्रेस कार्यकर्त्यांकडून मंठा फाट्यावर अंबुलन्स वर पुष्पहार टाकण्यात आले राजीव सातव अमर रहे अमर रहे अशी घोषणा कार्यकर्त्यांकडून देण्यात आली. शहरातील  सर्व कार्यकर्त्यांकडून  सातव यांना  श्रद्धांजली अर्पण करण्यात आली. काँग्रेसचे विधान परिषदचे आमदार राजेश भैया राठोड यांनी  मराठवाडा न्यूज शी' बोलताना सांगितले की महाराष्ट्र ने राजीव सातव यांच्या रूपाने भावी नेतृत्व गमावलेला आहे.या प्रसंगी अन्वर बापू देशमुख,कयूम भाई कुरेशी, नगरसेवक मुसाभाई कुरेशी,मोईन भाई कुरेशी, प्रकाश अण्णा घुले,उपनगराध्यक्ष सिराज खान पठाण,बालासाहेब वाजोडकर,शबाब भाई कुरेशी सुरेश वावळे,राजेश खंदारे,जफ़र पठान, मुक्तदिर बागवान सह मोठ्या प्रमाणात कॉंग्रेस कार्यकर्त्यांची उपस्थिती होती.

#Mosin_kureshi

#Mantha_news

सभी देश वासियो को ईद की हार्दिक शुभकामनाए..

सर्व समाज बांधवाला रमजान ईदच्या हार्दिक शुभेच्छा।

शुभेच्छुक:मराठवाडा न्यूज़ 44,संपादक मोसीन कुरेशी

मंठा शहरात पंतप्रधान गरीब कल्याण योजने अंतर्गत लाभार्थ्यांना मुफ़्त धान्य वाटप सुरु..

मोसीन कुरेशी
मंठा प्रतिनिधी:केंद्र शासन व राज्य शासनाने राज्यातील गरीब कुटुंबांना मे व जून महिन्याकरिता मोफत पाच किलो धान्य वाटप करण्यात येणार असल्याचे जाहीर

करण्यात आले होते.त्याची अंमलबजावणी मंठा तालुक्यात झाली आहे. तालुका पुरवठा विभाग यांच्या वतीने गावागावांतील सरकारमान्य धान्य दुकानात गहू व तांदूळ पोहोचला असून मंगळवार रोजी स्वस्त धान्य दुकान क्र.12 सुधीर जोशी यांच्या स्वस्त धान्य दुकानातून लाभार्थ्यांना मोफत गरीब कुटुंबातील प्रत्येक व्यक्तीला 3 किलो गहू व 2 किलो तांदूळ कोरोना प्रादुर्भावचे सर्व नियम पाळून वाटप करण्यात आले,असल्याचे माहिती स्वस्त धान्य दुकानदार सुधीर जोशी यांनी मराठवाडा न्यूज़ शी बोलताना सांगितले.

राज्यात कोरोनाचा प्रादुर्भाव मोठ्या प्रमाणात वाढत असल्याने छोटे-मोठे व्यवसाय बंद आहेत. जिल्ह्यात काही गावांमध्ये कडकडीत लॉकडाऊन आहे. त्यामुळे गोरगरीब लोकांना रोजगारमिळत नाही.त्यांच्यावर उपासमारीची वेळ आली आहे.गरीब कुटुंबे उपाशी राहू नये यासाठी पंतप्रधान नरेंद्र मोदी यांनी पंतप्रधान गरीब कल्याण योजने अंतर्गत पिवळ्या व केशरी रेशनकार्डधारकांना मोफत धान्यदेण्याचे जाहीर केले होते. त्याचप्रमाणेराज्याचे मुख्यमंत्री उद्धव ठाकरेयांनीसुद्धा मे महिन्याकरिता पिवळ्याव

केशरी रेशनकार्डधारकांना तीन किलो गहू व दोन किलो तांदूळ मोफत देणार असल्याचे जाहीर केले होते. त्याची अंमलबाजवणी मंठा तालुक्यात चालू झाली आहे.मंठा शहरात पिवळ्या व केशरी रेशनकार्डधारकांना मोफत धान्याचे वाटप सुरु झाले आहे.

मंठा पोलीस स्टेशन येथे पावणे सहा लाख रुपये किमतीचा देशी-विदेशी दारुचा साठा नष्ट .....

मोसीन कुरेशी

मंठा प्रतिनिधी : मंठा पोलीस स्टेशन येथील जप्त गुन्ह्यातील  9329 देशी-विदेशी दारूच्या बाटल्या मा.

न्यायालयाच्या आदेशाने दोन शासकीय पंचायत समक्ष नष्ट करण्यात आल्या. सन 2012 ते 2020 या कालावधीत जप्त केलेल्या देशी-विदेशी अवैद्य दारूची किंमत 5,78,750 /- रुपये आहे. राज्य उत्पादन शुल्क विभागाचे निरीक्षक ए. टी. बिडकर, मंठा पोलिस स्टेशनचे पोलीस निरीक्षक यशवंत बागुल, राज्य उत्पादन शुल्क विभागाचे व्ही. डी. पवार यांच्या उपस्थितीमध्ये जप्त अवैद्य देशी-विदेशी दारुचा साठा सोमवार ता. 10 रोजी नष्ट करण्यात आला. यावेळी एस. एम.भंडलकर, पोलीस हेडकॉन्स्टेबल मनजीतसिंग सेना,पोलीस कॉन्स्टेबल दीपक आडे, नारायण आडे, शुभम ढोबळे, प्रशांत काळे, विशाल खेडकर, महिला पोलीस कॉन्स्टेबल सविता फुलमाळी, शिवाजी लोखंडे, नगरपंचायतचे कर्मचारी सुनील मोरे व रमेश खंदारे उपस्थित होते.

मंठ्यात ऑक्सीजन प्लांट उभारण्याची आरोग्य मंत्र्यांची ग्वाही...

रुग्ण हा देवता आहे, त्याची काळजी घेऊन सेवा करा:आरोग्य मंत्री राजेश टोपे

मोसीन कुरेशी

मंठा (प्रतिनिधी):- वैद्यकीय आवश्यकता लक्षात घेऊनयेथील ग्रामीण रुग्णालयासाठी ८० लाख रुपये खर्चाच्या ऑक्सीजन प्लांट तसेच रुग्णालय पूर्णतः स्वयंपूर्ण होण्याच्या दृष्टीने कार्डियाक अॅम्ब्युलन्स उपलब्ध करून दिली जाणार आहे. डॉक्टर्स, परिचारिका आणि इतर सर्व रिक्त पदे येत्या३-४ दिवसात भरली

जातील अशी ग्वाही राज्याचे आरोग्यमंत्री तथा जिल्ह्याचे पालक मंत्री राजेश टोपे यांनी दिली.रविवार रोजी येथील कोवीड सेंटरला भेट दिल्यानंतर त्यांनी ग्रामीण रुग्णालयातील सुविधा आणि उणिवा बाबत सविस्तर बैठक घेतली. कोवीड सेंटर मधील रुग्णांची आस्थेवाईक चौकशी करून त्यांना औषध उपचार कशाप्रकारे दिला जातो याची माहिती घेतली. यावेळी जिल्हाधिकारी रवींद्र बिनवडे, आरोग्य उपसंचालक डॉ.स्वप्नील लाळे, उपविभागीय अधिकारी भाऊसाहेब जाधव,जिल्हा शल्य चिकित्सक डॉ.अर्चना भोसले, तहसीलदार सुमन मोरे,मुख्याधिकारी सतीश कुलकर्णी,गोपाळराव बोराडे , शिवसेना जिल्हाप्रमुख ए. जे.बोराडे , पंकज बोराडे, भाऊसाहेब गोरे, वैद्यकीय अधीक्षक डॉ.राजेंद्रगायके, तालुका आरोग्य अधिकारी डॉ.दीपक लोणे,डॉ.प्रताप चाटसे आदी उपस्थित होते.रुग्णालयाची संपूर्ण पाहणी केल्यानंतर त्यांनी पत्रकारांनाविविध उपाय योजनेबाबत माहिती दिली. हवेतून ऑक्सिजननिर्माण करणारा ८० लाख रुपये खर्चाचा प्लांट येत्या आठदिवसात कार्यान्वित करण्याच्या सूचना त्यांनी दिल्या.येत्या तीन ते चार दिवसात डॉक्टरचीआणि नर्सची सर्व रिक्त पदे भरणार असल्याची ग्वाही दिली. शिवाय नर्सची आवश्यक पदे स्थानिक पातळीवरून भरण्याच्या सूचना दिल्या.येथील उपजिल्हा रुग्णालयातील रिक्त पदे भरून पूर्ण क्षमतेने रुग्णालय सुरू करण्यासाठी आरोग्य उपसंचालकांना सूचना दिल्या. ४० बेडच्या कोवीड सेंटर साठी किमान पाच डॉक्टर्स आवश्यक असताना केवळ दोन डॉक्टर्स उपलब्ध आहेत. उर्वरित तीन डॉक्टर्स चार दिवसात उपलब्ध करून दिले जातील असे त्यांनी सांगितले. मंठा येथील मॉडेल स्कूलच्या इमारतीमध्ये ५० बेडचे नवीन डेडिकेटेड कोवीडसेंटर सुरू करणार असून त्यासाठी सर्व सुविधा तातडीने उपलब्ध करून देण्याची ग्वाही दिली. अस्थायी स्वरूपात काम करणाऱ्या अनेक वैद्यकीय कर्मचाऱ्यांचे थकीत वेतन तातडीने करण्याच्या सूचनाही त्यांनी संबंधितांना केल्या.

रस्ता देता का रस्ता ?तीस वर्षापासून रस्त्यासाठी कुरेशी मोहल्ल्यातील नागरिक वंचित...

दोन वर्षापासून रस्त्याचे काम मंजूर होऊनही आतापर्यंत काम झालेलं नाही...

याला जबाबदार कोण ?

मोसीन कुरेशी

मंठा प्रतिनिधी:मंठा येथील कुरेशी मोहल्लाचा मुख्य

रस्त्याचा व नाल्याचा काम 30 वर्षापासून झालेला नाही या रस्त्यावरील नाल्या कचऱ्याने तुंबल्या आहेत.नाल्याचा सांड पानी रस्त्यावर वाहत असल्याने सर्वत्र दुर्गंधी पसरलेली आहे. हा रस्ता मंठा शहरात येतो का नहीं असा प्रश्न कुरेशी मोहल्ल्यातील नागरिकांना पडला आहे. लवकरात लवकर या रस्त्याचे काम करण्यात यावे अशी मागणी कुरेशी मोहल्ल्यातील नागरिक करत आहे.

Mantha news

Mosin kureshi

पवित्र रमजान महिन्यात विजेच्या लपंडाव थांबवा टिपू सुलतान युवा मंच यांची मागणी

मोसीन कुरेशी

मंठा प्रतिनिधी: सध्या संपूर्ण महाराष्ट्रात  लॉकडाउन सुरू असून नागरिकांना घरीच राहण्याचे आवाहन प्रशासन करत आहे.व मुस्लीम बांधवांचा पवित्र रमजान महिना

सुरु झाला असून.लॉकडाऊमुळे सर्व बांधव घरातच राहून रोजा उपवास तब्बल १५ ते १६ तास ठेवत आहेत व धार्मीक विधी ही करत आहेत. परंतु या काळातच महावितरण कंपनीचा गलथान कारभार सुरु असुन वेळोवेळी विजेच्या लपंडाव होत आहे. सध्या एप्रिल महिना सुरू असून उन्हाने नागरिकांची लाहीलाही होत आहे.सध्या कोरोना विषाणुच्या पार्श्वभूमीवर राज्यशासनाने २४ तास विज पुरवठा सुरुळीत ठेवण्याचे आदेश दिले आहेत. परंतु विद्युत केंद्राचे हलगर्जीपणामुळे मुस्लिम बांधवांना सुरळीत वीज मिळत नाही उन्हाचा पारा वाढत असून रमजान महिना सुरु आहे. मुस्लीम बांधव १५ ते १६ तास अन्न व पाणी न घेता उपवास ठेवतात.घरातच बसण्यासाठी कुलर, पंखे सुरु ठेवण्यात येत आहे.परंतु वेळोवेळी विजेचा लपंडाव होत. असल्यामुळे ग्रामस्थ वैतागले आहे.लवकरात लवकर संबंधित अधिकाऱ्यांनी लक्ष देऊन विजेचा लपंडाव थांबवावा नसता टिपू सुलतान युवा मंच कडून विद्युत केंद्र समोर आंदोलन करण्यात येईल असा इशारा टिपू सुलतान युवा मंच अध्यक्ष मोसीन कुरेशी यांनी दिला..यावेळी मोसीन कुरेशी,इस्माईल राज,इम्रान तांबोली,इद्रीस कुरेशी यांची उपस्थिती होती.

Mantha news

Mosin Kureshi

मंठा नगरपंच्यात मुख्याधिकारी साहेब झोपेतुन जागे हुआ आणि शहरात औषध फवारणी करा..

जंतू नाशक औषधांची फवारणी करण्याची नागरिकांची मागणी.

मोसीन कुरेशी

मंठा प्रतिनिधी:जगभरात कोरोना व्हायरसने थैमान घातले आहे. कोरोनाग्रस्त रुग्णांची संख्या दिवसेंदिवस वाढत आहे. शहरासह तालुक्यात कोरोना मुळे 18 जणांचा मृत्य झाला आहे. तर 251 रुग्ण हे विविध रुग्णालयात व घरी विलगीकरनात उपचार घेत आहेत.कोरोना मुळे तालुक्यासह शहरात भीतीचे वातावरण पसरले आहे परंतु मंठा नगरपंचायत झोपेचे सोंग घेत आहे शहरात नागरिकांकडून औषध फवारणी

करण्याची मागणी वेळोवेळी करण्यात येत आहे. पण नगरपंचायत मुख्याधिकारी साहेब दुर्लक्ष करत असल्याचे दिसत आहे. विविध प्रभागात नाल्याची सफाई न झाल्यामुळे डासांचा प्रार्दुभाव वाढला आहे. नगरपंचायत हद्दीतील १७ प्रभागातील १ हि प्रभागात औषध फवारणी झाली नाही. शहरात नगर निगम आहे का नाही असा प्रश्न नागरिकांना पडला असून, डासांचा नागरिकांना उपद्रव सहन करावा लागत आहे. डासांच्या प्रादुर्भावामुळे आजार पसरण्याची भीती असून, नगरपंचायत सार्वजनिक आरोग्य विभागाने यात लक्ष घालून औषध फवारणी व उपाययोजना कराव्यात,अशी मागणी होत आहे.

Mantha news

Mosin kureshi 

ज़ेबा कुरेशी व अक्सा कुरेशी यांचा पहिला रोज़ा पुर्ण..

मोसीन कुरेशी

मंठा प्रतिनिधी मंठा शहरातील नगरसेवक मुसा भाई कुरेशी यांची नात युवा उद्योगपती जुबेर कुरेशी यांची

मुलगी ज़ेबा कुरेशी वय 5 वर्ष याने आपल्या जीवनाचा पहिला रोज़ा दी.६ में गरुवार रोजी पूर्ण केला आहे.में महिन्याच्या तापत्या उन्हात ज़ेबा ने रोज़ा पूर्ण केल्याने कदीर कुरेशी,रईस कुरेशी,मुस्तकीम कुरेशी यांनी कौतुक

केले.तसेच शहरातील सलाम कुरेशी यांची मुलगी अक्सा कुरेशी वय 6 वर्ष याने पण आपल्या जीवनाचा पहिला रोजा पूर्ण केल्याने उमेर कुरेशी,अजीम कुरेशी,अहेमद कुरेशी,सोहेल कुरेशी यांनी अक्सा कुरेशी यांना शुभेच्या दिले.

मंठा ग्रामीण रुग्णालयत लस घेण्यासाठी नागरिकांची गर्दि तर ‘सोशल डिस्टन्सिंग’चा फज्जा

मोसीन कुरेशी

मंठा प्रतिनिधी महाराष्ट्रात कोरोनाची दुसरी लाटा चा कहर मोठ्या प्रमाणात वाढत आहे. या लाटीदरम्यान कोरोनाची संख्या झपाट्याने वाढत आहे. त्याचबरोबर कोरोनामुळे मृत्यू होणाऱ्या व्यक्तींचेदेखील प्रमाण जादा आहे. यामुळे कोरोनाची लस घेण्यासाठी नागरिकांची धडपड सुरू केली आहे. शहरात २८ एप्रिल बुधवार रोजी सकाळ पासूनच  ग्रामीण रुग्णालय प्रतिबंधक लस घेण्यासाठी नागरिकांनी मोठी गर्दी केली होती.दिवसेंदिवस कोरोनाचा प्रादुर्भाव झपाट्याने वाढत असल्याने  लस घेण्यासाठी शासनामार्फत कोरोना निर्बंधदेखील लादले जात आहेत.आरोग्य केंद्रांवर सकाळपासूनच लोकांची तुडुंब गर्दी वाढू लागली आहे. त्यात योग्य नियोजन नसल्याने फिजिकल डिस्टन्सिंगचा पूर्णपणे फज्जा उडताना दिसत आहे. लस राहिली दूर रांगेतच करोनाची लागण व्हायची असे चित्र दिसत आहे.

या कडे संबंधित विभाग दुर्लक्ष करत असल्याचे दिसत आहे.