मंठा, दि.29 – परतुर विधानसभा मतदार संघासह संपूर्ण जालना जिल्ह्यात प्रलंबित प्रश्न मार्गी लावत शासनाने प्रत्येक गाव, वाडी, वस्त्यांना डांबरी व पक्क्या रस्त्याने जोडण्यासाठी महत्वपुर्ण पाऊले उचलेली असून मंठा शहराच्या सर्वांगिण विकासासाठी आपण कटीबध्द असल्याचे प्रतिपादन राज्याचे पाणी पुरवठा व स्वच्छता मंत्री तथा जिल्ह्याचे पालकमंत्री बबनराव लोणीकर यांनी केले. मंठा येथे सिमेंट, काँक्रीटीकरण व पेव्हर ब्लॉक बसविण्याच्या कामांच्या उद्घाटन प्रसंगी पालकमंत्री श्री लोणीकर बोलत होते. व्यासपीठावर जिल्हा परिषदेचे माजी उपाध्यक्ष राहुल लोणीकर, नगराध्यक्षा पार्वती बोराडे, भुजंगराव गोरे, भाऊसाहेब कदम, गणेशराव खवणे, अंकुशराव बोराडे, संदीप गोरे, राजेश मोरे, कैलास बोराडे, सिध्दीविनायक मुळे यांची प्रमुख उपस्थिती होती. पालकमंत्री श्री लोणीकर म्हणाले की, मंठा शहरातील पाणी पुरवठा योजना, मुख्य रस्ता, घनकचरा प्रकल्प यासह विविध विकासकामांच्या माध्यमातुन शहराचा चेहरामोहरा बदण्यासाठी आपण प्रयत्नशिल असून मंठा शहराच्या विकासात निधीची कमतरता भासू दिली जाणार नसल्याची ग्वाहीही पालकमंत्री श्री लोणीकर यांनी यावेळी दिली. मंठा शहरातील विविध रस्त्याच्या 2 कोटी 25 लक्ष रुपयाच्या विकास कामांचे उदघाटन पालकमंत्री श्री लोणीकर यांच्या हस्ते करण्यात आले. यामध्ये विडोळी फाटा ते डॉ. आंबेडकर चौक या मुख्य रत्यांच्या दुतर्फा पेव्हर ब्लॉक (87,10,479₹), बसस्टँड-स्वामी विवेकानंद शाळा ते बाजार मैदान सिमेंट रस्ता (92,97,247₹) तसेच डॉ. आंबेडकर पुतळा ते बाजार मैदान सिमेंट रस्ता (44,92,020₹) आदींचा समावेश आहे. यावेळी प्रदीप बोराडे, कल्याण खरात, संभाजी खंदारे, पंजाब बोराडे, जिजाबाई जाधव, सुरेश सोळंके, शिवदास हनवते, नाथराव काकडे, विठ्ठलराव काळे, माऊली वायाळ, दत्ता कांगणे, सतीश निर्वळ, विशाल कदम, निवास देशमुख, कंलदर खा, संजय गायकवाड, विष्णु घोडके, एजाजभाई, दारासिंग चव्हाण, प्रमोद बोराडे, पंजाब पुणेकर, नितीन सरकटे, अंसाबाई राठोड, जयश्री पवार यांच्यासह अनेकाची उपस्थिती होती .
No comments:
Post a Comment