मंठयात नगरपंच्यातच्या सत्तेसाठी शिवसेना-कॉंग्रेस एकत्र

नगराध्यक्षपदी शिवसेनाचे नितिन राठोड तर
उपनगराध्यक्षपदी कॉंग्रेसचे सिराज खान पठान यांची बिनविरोध निवड....

मोसीन कुरेशी

मंठा प्रतिनिधी:मंठा नगरपंचायतवर शिवसेनेची सत्ता होती. मात्र, तत्कालीन नगराध्यक्षा पार्वती बोराडे यांचे पती कैलास बोराडे व संजय सरोदे यांनी शिवसेनेला सोडचिठ्ठी देत भाजपासोबत घरोबा केल्यामुळे ही निवडणूक लागली होती. १७ नगरसेवक असलेल्या नगरपंचायतवर शिवसेनेची एकहाती सत्ता होती. मात्र , शिवसेनेत दोन गट तयार झाल्याने शिवसेनेला सत्ता टिकविण्यासाठी कॉग्रेसला सोबत घेतल्याने पुन्हा नगराध्यक्षपदी शिवसेनेचे नितीन राठोड तर उपनगराध्यक्षपदी काँग्रेसचे सिराज खान पठान यांची निवड झाली. यासाठी शिवसेनेचे जिल्हा प्रमुख ए जे पाटील बोराडे व काँग्रेसचे जिल्हाध्यक्ष माजी आ. सुरेशकुमार जेथलिया यांची भूमिका महत्त्वाची ठरली. मंठयात सत्तेसाठी भाजपाला बाजूला ठेवण्यासाठी शिवसेना-काँग्रेस एकजीत आल्याचे पहावयास मिळले आहे.

निवडणूक पीठासीन अधिकारी तथा परतुरचे उपविभागीय अधिकारी ब्रिजिश पाटिल व प्रभारी मुख्याधिकारी तथा तहसीलदार राहुल गायकवाड यांनी विशेष सभा बोलवुन निवडणूक घेतली. ही निवडणूक शांततेत पार पडली. यावेळी शिवसेनेचे नवनिर्वाचित नगराध्यक्ष नितिन राठोड, बालासाहेब बोराडे,इल्यास कुरेशी, अरुण वाघमारे,सौ. सिमा नीरज सोमाणी तर काँग्रेसचे नवनिर्वाचित उपनगराध्यक्ष सिराज खान पठान, अचित बोराडे,शेख साजिद जलील, सौ.बिलकिस मोईन कुरेशी, सौ.एजाज नसरीन मूसा कुरेशी यांची उपस्थिती होती.