प्रदेश युवक कॉंग्रेसचा युवकांसाठी काँग्रेसचा विशेष जाहीरनामा.

मोसीन कुरेशी
मंठा प्रतिनिधी:महाराष्ट्र प्रदेश युवक काँग्रेसच्या युवकांसाठी विशेष जाहीरनामा प्रकाशित करण्यात आला आहे. संपूर्ण राज्यातील सुमारे तीन कोटी युवकांनी सहभाग घेतलेल्या वेकअप महाराष्ट्र या अभिनव उपक्रमांतर्गत राज्यातील युवकांनी ज्या बहुमूल्य सूचना दिल्या आहेत, त्या सूचनेनुसार आगामी विधानसभेच्या दृष्टीने युवक काँग्रेसचा विशेष जाहीरनामा प्रकाशित करण्यात आला आहे. यावेळी काँग्रेसचे ज्येष्ठ नेते माजी आमदार धोंडीराम जी राठोड, परतूर विधानसभेचे काँग्रेस-राष्ट्रवादी काँग्रेस आघाडीचे उमेदवार माजी आमदार सुरेशकुमार जेथलिया, महाराष्ट्र प्रदेश काँग्रेसचे सचिव राजेश भैया राठोड, काँग्रेसचे नेते अन्वर बापू देशमुख युवक काँग्रेसचे परतूर विधानसभा अध्यक्ष सुरेश वाव्हळे, मंठा तालुका अध्यक्ष नीळकंठ वायाळ, राष्ट्रवादीचे भाऊसाहेब गोरे, राष्ट्रवादीचे तालुका अध्यक्ष बबनराव गणगे, शहराध्यक्ष शबाब कुरेशी, समाजकल्याण सभापती दत्ता बनसोडे,मधुकर मोरे,मूसा भाई कुरेशी,मोईन कुरेशी,प्रकाश अण्णा घुले, बाळासाहेब वांजोळकर, युवक काँग्रेसचे महाराष्ट्र प्रदेशाध्यक्ष सत्यजित तांबे यांच्या संकल्पनेतून साकार झालेल्या या जाहीरनाम्यामध्ये युवकांच्या विविध प्रश्नाबाबत विचार करण्यात आलेला आहे. 30 सप्टेंबर 2019 पर्यंत घेतलेली सर्व शैक्षणिक कर्ज माफ करण्यात येतील युवकांसाठी वस्तीग्रहांची संख्या वाढवण्यात येईल, दिव्यांगासाठी विनामूल्य प्रशिक्षण, सुशिक्षित बेरोजगारांना5000 बेरोजगार भत्ता. सरकारी रिक्त नोकऱ्यांची तात्काळ भरती करणे, नोकरीमध्ये स्थानिक युवकांना(भूमिपुत्रांना) 80 टक्के आरक्षणाचा कायदा करणे, जागतिक दर्जाचे क्रीडा विद्यापीठ स्थापन करणे, महाराष्ट्रात अमली पदार्थ प्रतिबंधक कायद्याची काटेकोर अंमलबजावणी करणे, यासारख्या प्रमुख मुद्द्यांचा समावेश जाहीरनाम्यात करण्यात आलेला आहे.खास युवकांसाठी बनवलेला देशातील हा पहिला जाहीरनामा असून परतुर विधानसभेतील प्रत्येक युवक मतदारांपर्यंत हा जाहीरनामा पोहोचवण्यात येईल असे प्रदेश सचिव राजेश भैया राठोड यांनी सांगितले