मतीन यांचे स्थायीचे सदस्यत्व जाणार ?

औरंगाबाद प्रतिनिधी ,औरंगाबाद एमआयएम’मधून हकालपट्टी केलेले नगरसेवक सैय्यद मतीन स्थायी समिती सदस्यपद धोक्यातआले आहे. गटनेते नासेर सिद्दिकी यांनी महापौरांना पत्र देऊन पक्षाच्या कोट्यातून दिलेले स्थायी समितीचे सदस्यत्व रद्द करावे, अशी मागणी केली आहे. कायदेशीर बाबी तपासून सदस्यत्व रद्द करण्याची कारवाई करावी, असे
आदेश महापौर नंदकुमार घोडेले यांनी दिले आहेत.वॉर्ड क्रमांक २० जयभीमनगरघाटी परिसर येथून सय्यद मतीन हे एमआयएम'कडून निवडून आले आहेत. त्यांना पक्षाने स्थायी समितीवर पाठवले होते. पक्ष विरोधी कारवाया तसेच विवादास्पद प्रकरणे समोर आल्यानंतर त्यांची पक्षातून हकालपट्टी करण्यात आली होती. काही दिवसांपूर्वी झालेल्या स्थायी समितीच्या बैठकीत मतीन हे भाजपच्या नगरसेवकांसोबत बसले होते. भाजपसोबत बसणे, तसेचसिटी चौक पोलिस ठाण्यात दाखल झालेल्या बलात्काराच्या गुन्ह्यानंतर गटनेते नासेर सिद्दीकी यांनी महापौरांना पत्र देऊन स्थायी समिती सदस्यत्व रद्दकरण्याची मागणी केली आहे.
एमआयएम'च्या गटनेते कडून मागणी आल्याने महापौर नंदकुमार घोडेले यांनी हे प्रकरण विधी  विभागाकडे पाठवून, या प्रकरणात कायदेशीर अभिप्राय मागितला आहे. हा प्रस्ताव झाल्यास सय्यद मतीन स्थायी समिती सदस्यत्व जाऊ शकते.