नगरसेवक मतीन वर बलात्कारचा गुन्हा

औरंगाबाद प्रतिनिधी : एमआयएममधून बडतर्फ
वादग्रस्त नगरसेवक सय्यद मतीन याच्यावर सिटी
चौक पोलिस ठाण्यात मंगळवारी बलात्काराचा गुन्हानोंदविण्यात आला. त्याने एका महिलेस नोकरी व लग्नाचे आमिष दाखवून तिचे लैंगिक शोषण केल्याची तक्रार आहे.दोन महिन्यांपूर्वी एका नगरसविकला हा मतीनने फूस लावून पळवून नेल्याची चर्चा होती. पोलिसांकडून मिळालेल्या माहितीनुसार रशीदपुरा येथे राहणाच्या ३० वर्षीय महिलेस पतीने सोडून दिलेले आहे.सध्या ती दोन मुलांसह तिच्या आईसोबत राहते. वर्षांपूर्वी आधार कार्ड बनवून मिळावे म्हणून ती नगरसेवक सय्यद मतीन याच्या कार्यालयात गेली होती. त्यावेळी मतीनने गोड बोलून तिच्याविषयी सर्व माहिती काढून घेतली. त्यानंतर त्याने तिला आपल्या जाळ्यात ओढण्यासाठी आधार कार्ड बनवून देतोच, शिवाय नोकरी मिळवून देतो,असे आमिष दाखविले. नंतर तिच्याशी जवळीक करीत लग्नाचे आमिष दाखवून तिच्याशी लगट केली.महिलेने लग्नासाठी तगाला लावला असता तो टाळाटाळ करू लागला. वर्ष होत आले तरी मतीन लग्न करत नसल्याने महिलेने अखेर त्याला दरडावून विचारले, तेव्हा त्याने लग्नास स्पष्ट नकार दिला.मतीनने आपल्याला फसविल्याचे लक्षात येताच महिलेने पोलिस आयुक्तांकडे मतीनविरुद्ध तक्रार केली. आयुक्तांनी सिटी चौक पोलिस ठाण्याचे निरीक्षक दादासाहेब शिंगारे यांना महिलेची तक्रार घेऊन मतीनवर कारवाईचे आदेश दिले. त्यावरून मंगळवारी सायंकाळी महिलेने तक्रार दिल्यावर पोलिसांनी                मतीनविरुद्ध गुन्हा दाखल केला.