माऊली अर्बन को ऑफ क्रेडिट सोसायटी दीपस्तंभ पुरस्काराणे सन्मानित.

मोसीन कुरेशी

मंठा प्रतिनिधी:- तालुक्यातील आग्रगण्य माऊली अर्बन को ऑप क्रेडिट सोसायटी पतसंस्थेला साल सन 2019 - 20 या वर्षातील दीपस्तंभ पुरस्कार (ता.24) शनिवार रोजी शिर्डी येथील कार्यक्रमात देऊन सन्मानित करण्यात

आले.माऊली अर्बन पतसंस्थेने महाराष्ट्रातील पतसंस्था चळवळीत दीपस्तंभाप्रमाणे कार्य केले आहे.पतसंस्था चळवळीला चांगली दिशा दर्शवली आहे. या दिशादर्शक कार्याबद्दल मराठवाडा विभागातून दीपस्तंभ पुरस्कार महाराष्ट्र राज्य सहकारी पतसंस्था फेडरेशन लि. मुंबई यांच्या वतीने देण्यात आला.हा पुरस्कार सोहळा दीपस्तंभ पुरस्कार संस्थेचे अध्यक्ष काकासाहेब कोयटे, खजिनदार दादाराव तुपकर, सरव्यवस्थापक श्रीमती लवांडे मॅडम यांच्या उपस्थितीत परपडला.हा राज्यस्तरीय पुरस्कार स्वीकारताना संस्थेचे चेअरमन तथा भाजपा तालुकाध्यक्ष सतीशराव निर्वळ,मुरलीधर चौधरी,व्यवस्थापक नंदकिशोर सोमानी,गजानन निर्वळ, अमोल मस्के, कालिदास निर्वळ यांची उपस्थिती होती.

माऊली अर्बन क्रेडिट सोसायटीला दीपस्तंभ पुरस्काराबद्दल माऊली अर्बनचे अध्यक्ष सतीशराव निर्वळ,संचालक व संस्थेचे सभासद व संस्थेतील कर्मचाऱ्यांचे सर्व स्तरातून अभिनंदन होत आहे.