प्रधानमंत्री घरकुल आवास योजनाचे वाजले बारा..लाभार्थ्यांना पैसे मिळेना..

पावसाळ्यात संसार आला उघड्यावर..

मंठा प्रतिनिधी: सर्वसामान्य नागरिकांना घरांचे स्वप्न दाखविणारी प्रधानमंत्री घरकुल आवास योजनाचे मंठा शहरात बारा वाजले असुन एक वर्ष उलटून गेल्याने ही अर्धे हप्ते न मिळण्याने शहरातील नागरिकांचा ऐन पावसाळ्यात संसार उघड्यावर आला आहे.कोरोना महामारी मध्ये अगोदरच कामे नसल्याने नागरिक

अडचणीत आले आहे.घराची परिस्थिती बिकट झालेली आहे. प्रधानमंत्री घरकुल आवास योजनेचे निधीच्या आशेवर लाभार्थ्यांनी किरायाच्या घरात राहून घरकुलाचे कामाला सुरुवात केली.आपले राहते घर उघडे केले.घराचे बांधकाम पूर्णत्वास नेले पण घरकुलाचे हफ्ते मिळत नसल्याने घरकुलाचे बांधकाम थांबले आहे.एकीकडे घर बांधकामाची चिंता तर दुसरीकडे घर भाड्याचा प्रश्न उपस्थित झालेला आहे.अनेक लाभार्थ्यांनी नगरपंचायत मध्ये विचारणा केल्यानेही समाधानकारक उत्तर मिळत नसल्याने तीव्र रोष व्यक्त होत आहे. मंठा शहरात प्रधानमंत्री घरकुल आवास योजनाचे पंधराशे घरकुल मंजूर झाले होते.दरम्यान लाभार्थ्यांना पांच टप्प्यात निधी देण्यात येणार होता.या मध्ये 40 हजाराचा पहिला टप्पा 413 लाभार्थ्यांना देण्यात आलेला आहे. दुसरा 40 हजारांचा टप्पा 319 लाभार्थ्यांना देण्यात आलेला आहे. तर तिसरा टप्पा 20 हजाराचा 181 लाभार्थ्यांना देण्यात आलेला आहे. या योजनेमध्ये लाभार्थ्यांना राज्य शासनाकडून एक लाख रुपये तर केंद्र सरकारकडून दीड लाख रुपये मिळणार होते पण केंद्र सरकारचा निधी अद्याप मिळालेला नसल्याने लाभार्थ्यांना तीनच टप्पे देण्यात आलेले आहे. अशी माहिती घरकुल प्रकल्प अधिकारी मनोज गिरी यांनी सांगितले.