कोरोनाच्या पार्श्वभूमीवर प्रत्येक नागरिकांनी सजग राहावे...

कोरोनाच्या पार्श्वभूमीवर प्रत्येक नागरिकांनी सजग राहावे...

मोसीन कुरेशी,
मंठा प्रतिनिधी : महाराष्ट्र राज्य मराठी पत्रकार संघ मंठाच्यावतीने कोरोना विषाणूंचा प्रादुर्भाव रोखण्याच्या दृष्टीने जनजागृती करण्यात येत असून नागरिकांना आवश्यक त्या सूचना आणि कळकळीचे आवाहन करणारी स्टिकर्स आणि

पॉम्पलेटचे विमोचन सोमवार ता.30 रोजी पोलीस निरीक्षक विलास निकम यांच्या हस्ते करण्यात आले. सध्या संपूर्ण देशावर कोरोनाचे महाभयानक संकट उभे राहिले आहे. या संकटाचा मुकाबला करण्यासाठी केंद्र व राज्य पातळीवर प्रयत्न सुरू आहेत तसेच पोलिस प्रशासन वैद्यकीय सेवेतील डॉक्टर्स फार्मासिस्ट यांच्यावतीने सातत्याने आवाहन करण्यात येत असून सर्वसामान्य नागरिक मात्र आवश्यक ती काळजी घेताना दिसून येत नाही.  महाराष्ट्र राज्य मराठी पत्रकार संघ मंठाच्या वतीने प्रसिद्धीपत्रक होल्डिंग पॉम्पलेट याद्वारे नागरिकांना कळकळीचे आवाहन करण्यात येत आहे घरी थांबा सुरक्षित रहा,आपण सुरक्षित तर राष्ट्र सुरक्षित, मास्क वापरावे, वारंवार हात धुवावे, घराबाहेर पडू नये प्रशासनाला सहकार्य करावे अशा सूचना जाहीर पत्रकान्वये देण्यात आल्या आहेत. यावेळी पोलीस निरीक्षक विलास निकम यांनी महाराष्ट्र राज्य मराठी पत्रकार संघाच्या सर्व पत्रकार बांधवांचे कौतुक केले. यावेळी पत्रकार संघाचे अध्यक्ष संतोष दायमा,पोलीस उपनिरीक्षक नितिन गट्टुवार,मंजितसिंग सेना, बिरकायलु अण्णा,शाम गायके,जिल्हा कार्यकारिणी सदस्य पंडितराव बोराडे, पत्रकार बालाजी कुलकर्णी,अनिल बा खंदारे, रमेश देशपांडे, मोसिन कुरेशी, डॉ आशिष तिवारी, आसाराम शेळके, अमोल राऊत, अरुण राठोड, बाबासाहेब कुलकर्णी, तुकाराम मुळे, विजय देशमुख यांची उपस्थिती होती...

मॉडर्न इंग्लिश स्कूलचा आदित्य राठोड आरटीई परीक्षेत तालुक्यातून सर्वप्रथम, राज्यातून सतरावा...

मोसीन कुरेशी
मंठा प्रतिनिधी: येथील मॉडर्न इंग्लिश स्कूलचा इयत्ता दुसरीचा विद्यार्थी आदित्य विनोद राठोड हा आर टी एस ई परीक्षेत तालुक्यात सर्वप्रथम आला तर  जिल्ह्यातून  सातवा राज्यातून सतरावा  आला आहे तर इयत्ता दुसरी ची विद्यार्थिनी काव्य रमेश जोशी तालुक्यातून दुसरी तर जिल्ह्यातून आठवी राज्यातून चोवीसावी आली आहे इयत्ता चौथीचा विद्यार्थी पृथ्वीराज

तानाजी शेंडगे हा तालुक्यातून दुसरा आहे तर सोहम भगत हा राज्यातून 45 वा आला आहे सदरील परीक्षा डॉक्टर पंजाबराव देशमुख शिक्षक परिषदेकडून घेण्यात आली होती.ग्रामीण व शहरी भागातील विद्यार्थ्यांना स्पर्धा परीक्षांची गोडी लागावी यासाठी  युपीएससी-एमपीएससी च्या धर्तीवर घेतली जाणारी आरटीएसई परीक्षा दि 02 फेब्रुवारी 2020 रोजी घेण्यात आलेल्या टैलेंट चा शोध घेणाऱ्या या परीक्षे साठी तालुक्यातील जिल्हा परिषद शाळा  मराठी माध्यमाच्या शाळा  तसेच इंग्रजी माध्यमाच्या विविध शाळेतील इ.२ री ते  ९ वी  चे  २०४  विद्यार्थी या परीक्षेला बसले होते ही परीक्षा बुद्धिमत्ता, चालू घडामोडी व क्रमिक पाठ्यपुस्तकातील अभ्यासक्रमावर आधारित होती.या परीक्षेचा निकाल आज रोजी जाहीर झाला यामध्ये मॉडर्न इंग्लिश स्कुल च्या विद्यार्थ्यांने नेत्रदीपक यश मिळवले,गुणवंत विद्यार्थ्यांचे तहसीलदार सुमन मोरे,गटविकास अधिकारी एस.एम.पाटील,पोलीस निरीक्षक विलास निकम,सभापती पवार,उपसभापती नागेश घारे,संस्थेचे अध्यक्ष पांडुरंग खराबे यांनी अभिनंदन केले..

कोरोना व्हायरस पार्श्वभूमीवर सर्वांनी घरीच थांबुन सहकार्य करावे ....बोराडे

मोसीन कुरेशी
मंठा प्रतिनिधी :कोरोना या विषाणूचे रुग्ण वाढत दिवसेंदिवस वाढतच चालले आहेत.यासाठी आपण प्रत्येकाने काळजी घेतली पाहिजे.कोरोना विषाणूचा संसर्ग विषाणुला आळा घालण्यासाठी प्रशासनने आणि वैद्यकीय यंत्रणा देत असलेल्या
बाजार समिती संचालक वैजनाथ बोराडे म्हणाले की , जगभरात कोरोना या संसर्गजन्य विषाणूचा धसका घेतला असुन चीन, इटली, इराण या देशात कोरोनाच्या संसर्गामुळे मोठी हानी झाली आहे.त्यासाठी आता आपण वेळीच सावध झालो नाही , तर मोठी समस्या निर्माण होऊ शकते. अशा वेळी आपल्याला महसुल , पोलीस यंत्रणा , आरोग्य व नगर पंचायत प्रशासनाने सुचविलेल्या प्रतिबंधक उपाययोजना व सुचनाचे पालन करावे.जगभर कोरोना व्हायरसने थैमान घातले असून आपण सर्वांनी गांभीर्याने विचार करण्याची गरज आहे.प्रत्येकाने कोणताही धोका न पत्करता याप्रसंगाला घरी थांबुन तोंड द्यायचे आहे. यासाठी प्रशासनाच्या सूचनांचे पालन करावे. आपण व आपल्या घरातील प्रत्येकाला बाहेर जाऊ देऊ नका.स्वतः बरोबर व आपल्या परिवाराची व समाजाची सुरक्षिततेची काळजी घेऊन प्रशासनाला सहकार्य करावे. काम नसतांना विनाकारण बाहेर येऊ नये , नगरपंचायत व पोलीस प्रशासन यांना सहकार्य करावे.कुठेही काही शंकास्पद आढळून आल्यास प्रशासनास कळवावे , असे कळकळीचे विनंतीपूर्वक आवाहन मंठा कृषी उत्पन्न बाजार समितीचे संचालक वैजनाथ बोराडे यांनी केले आहे..

सूचनांचे तंतोतंत पालन करावे.आपली व आपल्या कुटुंबियांची तसेच समाजाची काळजी घ्यावी , कोरोना या संसर्गजन्य विषाणुचा मुकाबला करण्यासाठी आपण घरीच थांबावे. तसेच अत्यावश्‍यक कामाशिवाय कोणीही बाहेर फिरू नये , असे कळकळीची आवाहन मंठा कृषी उत्पन्न बाजार समितीचे संचालक वैजनाथ बोराडे यांनी केले आहे.

उस्वद शिवारातील पूर्णा नदी पात्रात अवैध रित्या वाळू उत्खणन करणाऱ्यांवर पोलीस ठाण्यात गुन्हा दाखल...

जनता कर्फ्यूचा कालावधीत 2 लाख 25 हजारचे मुद्देमल जप्त...

मोसीन कुरेशी. मंठा प्रतिनिधी:उस्वद शिवारातील पूर्णा नदी पात्रात अवैध रित्या वाळू उत्खणन करणाऱ्या लोकांचे 2 लाख 25 हजारचे 15 मोटरसायकल नितिन शेषराव चिंचोले वय 41 उस्वद सजा येथील तलाठी यांच्या फिर्यादि वरुण मंठा पोलिसांच्या वतीने 2 लाख 25 हजारचे 15 मोटरसायकल जप्त करण्यात आले आहे. 22 मार्च रविवार रोजी जनता कर्फ्यू असल्याने फिर्यादी नितिन शेषराव चिंचोले आपल्या निवास्थानी 4 वाजेच्या सुमारास मंठा येथे असतांना बातमी मिळाली

कार्यक्षेत्रातील उस्वद शिवारातील पूर्णा नदी पात्रात महादेव मंदिराच्या पाठीमागे काही लोक नदीपात्रात वाळू उत्खनन करून वाळू चोरी करण्याच्या उद्देशाने व चोरटी वाळू कण्यासाठी वाहनासह थांबले आहे. सदर माहिती मिळताच फिर्यादी यांनी मंठा तहसीलदार यांना कळवुन फिर्यादी व ऊस्वद गावाचे पोलीस पाटील गजानन भगवान राउत रा.छलाणी कॉलनी मंठा फिर्यादी यांचे मोटरसायकलवरून मिळालेल्या बातमीच्या ठिकाणी उस्वद शिवारातील पूर्णा नदी पात्रात महादेव मंदिराच्या पाठीमागे गेले असता नदी पात्रात वाळू भरण्यासाठी थांबलेले वाहनासह टेम्पो त्या चालकांनी अर्धवट वाळू भरलेल्या अवस्थेत पळवून घेऊन गेले वरील चोरटी वाळू वाहतूक करणाऱ्या वाहनावर देखरेख करून त्यांना माहिती देणाऱ्या व वाळू भरणाऱ्या लोकांच्या त्या ठिकाणी एकूण 15 मोटर सायकल उभ्या असल्याचे दिसल्या फिर्यादी सदर ठिकाणी जाताच सदर मोटरसायकल चालक-मालक मोटर सायकल सोडून त्यांना पाहून पळून गेले म्हणून त्या मोटर सायकल जप्त करून चालक-मालक विरुद्ध मंठा पोलीस ठाण्यात गुन्हा दाखल करण्यात आला आहे वरिल प्रमाणे मो.सा. चालक मालक यांनी उस्वद नदी पात्रात अवैद्य रित्या वाळूचे उत्खनन करण्यासाठी व वाळु ची चोरटी वाहतुक करुन, मा.जिल्हाधिकारी यांनीजनहितार्थ कोरोना साथरोग (आजार) प्रतिबंधक उपाययोजनेच्या अनुशंगाने आदेशीत केलेल्या संचारबंदी व जमावबंदी आदेशाचे उल्लंघन करुन गैरकाययदेशीर रित्याजमाव करुन शासकीय आदेशाचा अवमान केला.फिर्यादिला पाहुन जाय मोक्यावरुनपळुन गेले.म्हणुन मोटार सायकल चालक मालक यांच्या विरुद्ध भादवीकलम-379,188, गौण खनिज कायदा कलम-3, 4 व 1897 चा साथरोग प्रतिबंधकअधिनियमाचे उल्लंघन कलम-2,3,4 व मु.पो.का.कलम-37(3),135 प्रमाणे कायदेशिर फिर्याद दिली आहे.